Velinoska: Gruevski përgatitet të largohet nga pozita e liderit të OBRM-PDUKM

„…OBRM-PDUKM tashmë një kohë të gjatë nuk tregon shenja të gjallërisë së plotë. Kryeplaku partiak (Nikola Gruevski), padyshim në stilin e tij, në mënyrë jo transparente në etapa po distancohet nga pozita udhëheqëse. Sipas të gjithë shenjave të deritanishme, po pëtgatitet për tu larguar nga pozicioni lider i partisë”, shkruan Mirka Velinova, në tekstin e saj autorial nën titullin „Vallë OBRM-PDUKM do të udhëheq me shtetin ose do të shkojë në opozitë“, të publikuar në Dnevnik, transmeton Telegrafi Maqedoni“.

Velinoska thotë që dorëheqja e Gruevskit nga funksioni i kryeministrit është akorduar në Strasburg para arritjes së “Kapitullimit në Përzhino”.

„(Ai) punon në terren si aktivist përgjegjës për punë komunale. Nuk ka më asnjë shenjë të angazhimit të një burë shteti“, thuhet në shkrimin e Velinovskës, e cila në mënyrë kritike sjell konkluzion se „sipas asaj se si kjo parti (OBRM-PDUKM) e “udhëheq” politikën në mes të prezervativ-revolucionit, sipas gjitha gjasash duket se përgatitet të shkojë në opozitë nën trysni të ShBA. Kjo po nga ana tjetër mund të thotë që ose OBRM-PDUKM nuk ka ndër mend të jetë pjesëmarrëse në ngjarje dramatike pas rezultateve të kurdisura zgjedhore, si për shembull, heqja e emrit të shtetit, ndërhyrje e huaj ushtarake dhe instalim i huntës LSD-UÇK, dhe se me ose pa Nikola Gruevskin, OBRM-PDUKM dhe populli i cili e mbështet do të organizojnë një LNÇ“.

Velinoska thekson se në rrjedhë e sipër është freskimi i partisë në pushtet sepse politika partiake qenka bërë „e mërzitshme, e njëtrajtshme dhe e konservuar“.

„Vetëm që neve askush nuk na nderoi të na tregojë. Për shembull, përse është pajtuar Nikola Gruevski për një gjë të tillë dhe atë pas shpinës së votuesve të cilët ia kanë dhënë besimin të udhëheq me shtetin? Ja, tani është në rrjedhë e sipër edhe “freskimi” i kuadrove partiake (të qeverisë) , por ama nuk ka as edhe një fjalë për atë nëse OBRM-PDUKM do ta freskojë edhe politikën e saj partiake e cila është bërë e mërzitshme dhe njëtrajtësisht konservatore “.

Përndryshe tezat që i shpreh Velinoska në shkrimin e saj autorial korrespondojnë në masë të madhe me deklaratat e fundit të Gruevskit. Neve na mbetet të presim dhe të shohin cilat nga këto teza do të dalin të vërteta./Telegrafi/