Vazhdon të diskutohet situata e dyshimtë në ‘el Clasico’, pamje më të detajuara të rastit kontestues

Real Madridi e fitoi derbin e madh botëror ndaj Barcelonës (2-1) të shtunën mbrëma në stadiumin ‘Alfredo di Stefano’.

Dhe siç ndodh zakonisht në ndeshje të mëdha, ato janë të mbushura me kundërthënie dhe momente të dyshimta.

Ndërkaq, përdoruesit e rrjeteve sociale të të dyja palëve përpiqet që ta vërtetojnë pikëpamjen e tyre lidhur me një situatë të caktuar duke shpërndarë video dhe fotografi nga më të ndryshmet.

Situata më kontestuese e kësaj sfide ishte tërheqja e dyshuar e Martin Braithwaite nga Ferland Mendy në zonën e Los Blancos.

Derisa lojtari i Realit ndodhej në pozitë më të mirë me topin, ai i Barcës arriti që t’i dilte anash dhe për ta penguar, mbrojtësi francez e kapi krahun e sulmuesit danez, por në momentin para se ai të rrëzohej e lëshoi.

Gjyqtari Jesus Gil Manzano vendosi se nuk ishte njëmbëdhjetëmetërsh edhe pasi e konsultoi VAR-in, megjithatë opinionet vazhdojnë të jenë të ndryshme. /Telegrafi/

المعذرة ياخوان توني اركز باللقطة من هذي الزاوية 😂 والله كارثة كيف عدت ذي اللقطة بدون مايحسبونها ؟ مسك واضح من ميندي! pic.twitter.com/OXVMTibxO9

— Turki (@abomsa3id) April 10, 2021