Vazhdon eksodi i largimeve – gxx dhe SENER1 konfirmojnë largimin nga ekipi

Genc “gxx” Kolgeci dhe Sener “SENER1” Mahmuti janë dy lojtarët e radhës që kanë konfirmuar largimin nga ekipi kosovar i njohur më parë si Bad News Eagles.

Gjatë ditës së sotme (e premte) komuniteti shqiptar i eSports u trondit pasi organizata Guild Esports njoftoi për ndërprerjen e bashkëpunimit me Bad News Eagles.

Nuk mjaftoi kjo, dhe menjëherë pas kësaj edhe dy lojtarët r1gon dhe juanflatroo njoftuan se tashmë janë lojtarë të lirë në treg dhe janë vënë në kërkim të aventurave të reja.

Pas kësaj dyshe, tashmë edhe gxx dhe SENER1 janë largimet e radhës nga ekipi, me dy lojtarët që po ashtu kanë konfirmuar se janë në pritje të ofertave të reja.

Lexo po ashtu Shpërbëhet Guild Eagles, largohen nga organizata Guild - edhe rigoN njofton largimin nga ekipi

“Me këtë që u tha, edhe unë jam duke kërkuar një ekip të ri, super i motivuar për të ardhmen”, ka shkruar gxx në platformën X.

With that being said im also looking for a new team , super motivated for the future and ready to grind, for inquiries contact @ultiagency @FrankBerget 🫡

— gxx- (@gxxcs2) May 24, 2024

“Pas një udhëtimi të jashtëzakonshëm me djemtë, plot momente të shkëlqyera, arritje historike dhe ulje-ngritje të paharrueshme, ne kemi vendosur të ndajmë rrugët me ekipin. Mirënjohës për përvojën e mrekullueshme, momentet e paharrueshme dhe suksesin që kemi ndarë”.

“Dua të falënderoj nga zemra djemtë që ishin si familja ime dhe të gjithë fansat për mbështetjen e palëkundur gjatë gjithë këtij rrugëtimi”, ka njoftuar SENER1 në platformën X.

1 / After an incredible journey with the boys, @_badnewseagles full of great times, historic achievements, and memorable ups and downs, we’ve decided to part ways with the team. Grateful for the amazing experience, unforgettable moments, and the success we’ve shared.

— SENER1 (@SENER1CSGO) May 24, 2024

Ekipi i Bad NeWs Eagles garuan së bashku për plot 1000 ditë, luajtën 578 map-a dhe morën pjesë në 83 gara, duke qenë kështu njëri ndër ekipet më jetëgjatë në eSports gjatë viteve të fundit.