Vazhdimi i seancës, sot interpelanca e Haradinajt  

Kuvendi i Kosovës sot do të vazhdojë seancën me fillim në orën 10:00, ndërsa në rendin e ditës si pikë e fundit është interpelanca e kryeministrit Ramush Haradinaj.

Interpelanca është me kërkesë të Grupit Parlamentar të LDK-së për ta informuar Kuvendin në lidhje me gjuajtje me armë nga Dardan Gashi, zëvendëskryeministër dhe ministër i Diasporës dhe Investimeve Strategjike.

Ky është rendi i ditës:

• Votimi i Projektligjit për ndryshimin dhe plotësimin e Ligjit nr. 04/L-034 për Agjencinë Kosovare të Privatizimit, i ndryshuar dhe i plotësuar me Ligjin nr. 04/L-115 dhe Ligjin 05/L-080,
• Shqyrtimi i parë i Projektligjit për Azil,
• Shqyrtimi i dytë i Projektligjit për Standardizim,
• Shqyrtimi i Raportit vjetor të Autoritetit Rregullator të Komunikimeve Elektronike dhe Postare për vitin 2016,
• Shqyrtimi i Raportit vjetor të Agjencisë së Statistikave të Kosovës për vitin 2016,
• Shqyrtimi i Strategjisë së Energjisë të Republikës së Kosovës 2017-2026,
• Zgjedhja e një (1) kandidati për anëtar joekzekutiv të Bordit të Bankës Qendrore të Republikës së Kosovës,
• Zgjedhja e 5 (pesë) zëvendësve të Avokatit të Popullit,
• Propozimi i grupeve parlamentare për zëvendësimin e anëtarëve në komisione parlamentare,
• Propozimi për emërimin e tre (3) anëtarëve në Komisonin për të Drejtat, Interesat e Komuniteteve dhe për Kthim,
• Shqyrtimi i dytë të Projektligjit për Tatimin në Pronën e Paluajtshme,
• Interpelanca e Kryeministrit Ramush Haradinaj, sipas kërkesës së Grupit Parlamentar të Lidhjes Demokratike të Kosovës, për ta informuar Kuvendin në lidhje me gjuajtje me armë nga z. Dardan Gashi, zëvendëskryeministër dhe ministër i Diasporës dhe Investimeve Strategjike. /Telegrafi/