Varane pritet t’i mungoj pesë deri në gjashtë javë Realit

Mbrojtësi i Real Madridit, Raphael Varane, do të jetë për pesë javë jashtë fushave të blerta pas lëndimit në kofshë kundër Valencias.

Qendërmbrojtësi francez u detyrua të largohet në minutën e 73-të humbjen 2-1 të mërkurës mbrëma në Mestalla.

Tani Varane do t’i nënshtrohet testeve mjekësore të premten(sot) pasi mjekët e klubit kërkojnë për të vlerësuar dëmin e bërë.

Lexo po ashtu Real Madrid rrezikon t’i humb katër tituj të ligës, ia merr Federata e Spanjës

Sipas gazetës spanjolle ‘AS’, ish mbrojtësi i Lens patjetër do të humbas ndeshjen në udhëtimin ndaj Villarrealit të dielën.

Ndërsa, gazeta tjetër spanjolle ‘Marca’, thekson ai do të mungojë së paku pesë javët e ardhshme.

Zinedine Zidanes do t’i duhet të zgjedh njërin nga Nacho Fernandez ose Pepe për të formuar dyshen e qendrës së mbrojtjes me kapitenin Sergio Ramos, por ai po shpreson që ta ketë Varanen përsëri në planet e tij shumë shpejt.

Lexo po ashtu Hajdutët i thyejnë shtëpinë yllit të Realit, i vjedhin 70 mijë euro (Foto)

Trajneri francez po shpreson ta ketë Varanen përpara një orar të ngjeshur të ndeshjeve në La Liga dhe Ligën e Kampionëve.

Nëse raportet në Marca janë të sakta, 23-vjeçari do të mungoj në ndeshjet e ligës kundër Las Palmas, Eibar, Betis dhe Athletic Bilbao së bashku me ndeshjen e kthimit të Ligës së Kampionëve ndaj Napolit. /Telegrafi/