Van Dijk zbulon fjalimin emocionues të Klopp në pushimin mes pjesë – aty ku u erdhi frymëzimi për ta përmbysur Villarrealin

Virgil van Dijk ka zbuluar atë që Jurgen Klopp u tha lojtarëve të Liverpoolit në pjesën e parë të ndeshjes së dytë gjysmëfinale të Ligës së Kampionëve kundër Villarrealit për t’i frymëzuar ata për fitore.

45 minutat e parë nuk shkuan ashtu siç priste shumica, me avantazhin 2-0 të Reds nga ndeshja e parë që u shua me golat e Boulaye Dia dhe Francis Coquelin. Tifozët vendas kishin filluar të besonin se një nga rikthimet më të paharrueshme të Ligës së Kmapionëve po përjetësohej.

Megjithatë, golat nga Fabinho, Luis Diaz dhe Sadio Mane së bashku me një paraqitje të dobët nga portieri Geronimo Rulli vranë çdo shpresë që skuadra e Unai Emery mund të kishte për të eliminuar gjigantin e Ligës Premier. Villarreali kishte marrë tashmë disa hequr disa pengesa të mëdha gjatë rrugës për në gjysmëfinale, pasi më parë kishte eliminuar Juventusin dhe Bayern Munichun.

Lexo po ashtu Një mbrëmje për t’u harruar për portierin e Villlarrealit, Rulli me rekord gabimesh këtë sezon

Sidoqoftë, Klopp siguroi që skuadra e tij nuk do të kishte të njëjtin fat me disa fjalë mençurie në pushimin mes pjesëve për t’i dërguar lojtarët e tij në rrugën drejt fitores dhe për të rezervuar vendin e tyre në finale më vonë këtë muaj. Van Dijk shfaqi udhëzimet e trajnerit të tij në pjesën e parë kur foli për BT Sport pas ndeshjes.

Reprezentuesi holandez zbuloi se Klopp i tha skuadrës së tij: “Luaj futboll! Luaj me Liverpoolin në mënyrën se si kemi luajtur gjatë gjithë sezonit! Merrni topin, bëni shumë lëvizje me topin dhe futuni pas vijës së fundit. Me shpejtësinë që kemi, ne duhet ta miksojmë edhe këtë, dhe duhet të tregojmë se sa shumë donim të shkonim në finale. Në pjesën e dytë luajtëm shumë mirë”.

Van Dijk ishte i sinqertë në vlerësimin e tij për mangësitë e Liverpoolit në pjesën e parë dhe pranoi se skuadra e tij ishte fajtore për marrjen e “vendimeve të gabuara”. “Ne nuk luajtëm mjaftueshëm futboll. Kur kishim topin, nuk kishte shumë lëvizje, kështu që morëm vendime të gabuara”, shtoi ai.

Lexo po ashtu Klopp: Fitorja në Villarreal është e barabartë me rikthimin kundër Barcelonës

“Ju e humbisni topin në situata të vështira, kur jeni të hapur ndonjëherë, goli i hershëm pas tre minutash e bëri edhe më shumë presion mbi ne”.

“Nëse mendojmë për pjesën e parë pasi sapo arritëm në Paris, ne jemi të ashpër me veten, mendoj se ajo që kemi arritur deri më tani këtë sezon nuk mund të merret si e mirëqenë dhe ne do të vazhdojmë”, ka shtuar më tej ai.

Fitorja do të thotë se Klopp e ka udhëhequr Liverpoolin në tre nga pesë finalet e fundit të Ligës së Kampionëve. Gjatë karrierës menaxheriale të gjermanit, ai tani ka arritur në finalen e kompeticionit më elitar të futbollit evropian po aq herë sa Sir Alex Ferguson. /Telegrafi/