US Open 2025 po thyen rekorde financiare. Organizatorët kanë bërë të ditur se fondi total i çmimeve arrin në 90 milionë dollarë (rreth 82 milionë euro), duke e bërë turneun më të pasur në historinë e tenisit.
Finalja e madhe mes Jannik Sinner dhe Carlos Alcaraz pritet të jetë kulmi i këtij edicioni, me fituesin që do të ngrejë në ajër trofeun prestigjioz dhe një çek rekord prej 4.55 milionë eurosh.
Finalisti do të marrë 2.27 milionë euro, ndërsa edhe pjesëmarrësit e tjerë do të përfitojnë ndjeshëm.
Shpërblimet për meshkuj
Raundi i parë (128 lojtarë): 100,000 euro
Raundi i dytë: 140,000 euro
Raundi i tretë: 215,000 euro
Raundi i katërt (16 më të mirët): 364,000 euro
Çerekfinale: 600,000 euro
Gjysmëfinale: 1.15 milionë euro
Finalist: 2.27 milionë euro
Kampion: 4.55 milionë euro
Kjo rritje e madhe e shpërblimeve siguron që jo vetëm emrat më të mëdhenj të tenisit, por edhe lojtarët e renditur më poshtë të marrin një shpërblim të rëndësishëm financiar që nga raundet e para. /Telegrafi/
