Manchester Unitedi thuhet se është duke e udhëhequr garën për nënshkrimin e sulmuesit të RB Salzburgut, Erling Braut Haaland.
Liverpooli dhe Napoli janë gjigantët e fundit të lidhur transferimin e reprezentuesit adoleshent të Norvegjisë.
Sidoqoftë, sipas mediumit italian Corriere dello Sport, Manchester Unitedi është duke kryeson garën për nënshkrimin e tij.
Ky medium shton se Unitedi është gati të ofrojë 50 milionë euro për të 'rrëmbyer' Haalandin nga duart e Salzburgut qysh në afatin e janarit.
Të premten, menaxheri i Unitedit, Ole Gunnar Solskjaer u pyet për bashkëvendësin e tij, por tha se nuk është e drejt të flas për një lojtar që nuk është në ekipin e tij.
"Nuk mendoj se është koha që unë të flas për sulmuesit e skuadrave të tjera".
"Dje fola për Harry Kane, sot për Erling. Nuk mendoj se është e drejtë për mua", përfundoi norvegjezi. /Telegrafi/
