Manchester Unitedi fiton me rikthim të çmendur ndaj West Hamit

Manchester Unitedi ka fituar me rikthim 3-1 ndeshjen në udhëtim te West Hami, e vlefshme për javën e 11-të në Ligën Premier.

Djajtë e Kuq ishin duke humbur në pjesën e parë, por u rikthyen furishëm në të dytën për të marrë një fitore të madhe ndaj Çekanëve.

Pjesa e parë e ndeshjes u karakterizua me lojë më të mirë të vendasve, të cilët arritën të shënojë dy gola, por vetëm njëri ishte i rregull.

Fillimisht shënoi Jarrod Bowen (9’) goli i cili u anulua, ndërsa në minutën e 38-të ishte Tomas Soucek që shënoi nga afërsia për 1-0.

Response required.

🔴 #MUFC
#️⃣ #WHUMUN
🏆 #PL@Chevrolet

— Manchester United (@ManUtd) December 5, 2020

Në pjesën e dytë u pa një ekip krejtësisht tjetër nga Unitedi, duke arritur të shënojë tri gola dhe ta fitojë ndeshjen, shkaku edhe i disa zëvendësime.

Unitedi arriti të kthehet në lojë dhe rezultat brenda tre minutave, ku fillimisht Paul Pogba (68’) shënoi një supergol për 1-1, ndërsa Mason Greenwood (68’) shënoi gjithashtu një gol të bukur për 1-2.

Kjo nuk ishte e tëra nga Djajtë e Kuq pasi edhe ylli anglez, Marcus Rashford (78’) shënoi gol për 1-3 dhe ky doli të ishte rezultati përfundimtar.

📸 𝙇𝙤𝙤𝙠𝙞𝙣𝙜 𝙜𝙤𝙤𝙙 𝙞𝙣 𝙇𝙤𝙣𝙙𝙤𝙣

🔴 #MUFC
#️⃣ #WHUMUN
🏆 #PL pic.twitter.com/djBaHa6R0e

— Manchester United (@ManUtd) December 5, 2020

Pas kësaj fitore, Unitedi e sheh veten në pozitën e katërt me 19 pikë, ndërsa West Hami i shtati me 17 pikë.

Në ndeshjen e radhës, Djajtë e Kuq e presin rivalin e madh lokal, Manchester Cityn, ndërsa West Hami udhëtim te Leedsi. /Telegrafi/

https://www.youtube.com/watch?v=ZiZBt_hMXgw&ab_channel=LALIGACHAMPIONS

https://twitter.com/AdedotunOsi/status/1335299525074964483