Umtiti do t’i propozoj Griezmannit të zgjedh Barçën para Realit  

Mbrojtësi i Barcelonës, Samuel Umtiti pranon se do të mirëpresë në Camp Nou bashkëlojtarin e tij te kombëtarja e Francës, sulmuesin Antoine Griezmann.

Atletico Madridi nuk po përjeton një fillim të mirë në këtë sezon dhe kjo ka bërë që ylli kryesor i skuadrës, Griezmann, të shqyrtoj të ardhmen e tij.

Kështu, Griezmann pritet të largohet nga Atletico Madrid në vitin 2018, pasi është lodhur nga vitet pa tituj me Los Colchoneros.

Lexo po ashtu Griezmann zgjedh Realin para Barçës dhe Unitedit, Perez ia garanton vendin e titullarit

Largimi i tij mund të ndodh sa më shpejt për faktin se klauzola e blerjes së kontratës së tij do të bjerë nga 200 në 100 milionë euro.

Sulmuesi francezi është një objektiv madhor për Manchester Unitedin dhe është i lidhur gjithashtu edhe me rivalët e mëdhenj lokal, Real Madridin.

Megjithatë, gjiganti katalunas, Barcelona gjithashtu ka shprehur interesim pasi ata kërkojnë një zëvendësim afatgjatë për Neymarin e larguar.

Lexo po ashtu Barcelona ka gati ‘operacionin’ për transferimin e Griezmannit

Mbrojtësi francez, Umtiti është i afërt me Griezmann dhe pranon se do të donte të luante me të në Barca dhe do t’ia propozoj atij këtë kalim.

“Të gjithë e shohin atë në Atletico, është një lojtar i klasit të botëror. Nëse ka një mundësi, unë do t’i thosha atij të mos dyshojë dhe të vijë në Barcelonë”, ka thënë Umtiti për mediumin Ara. /Telegrafi/