Ukrainasja Anna Malygon së fundmi në TikTok, ka shpërndarë një video që tregon sesi duken tani vendet që dikur ishin të preferuarat e saj në qytetin e lindjes.
Anna Malygon është ukrainase që së fundmi në profilin e saj në TikTok shpërndau video të ndryshme që tregojnë situatën aktuale në vendlindjen e saj, ku me një dozë ironie “falënderoi” rusët për të gjitha shkatërrimet që janë bërë në vendet që dikur i frekuentonte, transmeton Telegrafi.
“Vendet e mia të preferuara në qytetin tim të lindjes”, është një prej videove, ku shihen e veshur me një pallto dhe tregon sesi tani duket shkolla e saj, restoranti i preferuar, qendra tregtare dhe universiteti në Kharkiv.
Dy ditëm ë vonë ajo publikoi një video tjetër, ku shihen disa prej lokacioneve të saj të preferuar. Ajo shihet e veshur me jelek antiplumb dhe helmetë në kokë, duke shpresuar se do ta mbrojnë nga ndonjë plumb i mundshëm që mund të fluturojë pranë saj.
Në video shfaqen kafiteria e preferuar, marketi, salloni i ondulimit që dikur i frekuentonte shumë. Kjo ukrainase mëton që me këto video që tregojë sesi po zhvillohet jeta në Ukrainë gjatë agresionit rus.
Aty vazhdimisht dëgjohen sirenat që paralajmërojnë sulmet e mundshme ajrore, si dhe detyrohen çdo ditë të futen nëpër bunkerë për t’i shpëtuar bombave ruse. /Telegrafi/
