Udhëzues për larjen dhe ruajtjen e maskës tuaj

Ndërsa përshtatemi me normën e re, vendosja e një maske për fytyrën është një nga ndryshimet kryesore të përditshme që po ‘përqafojmë’.

Në fakt, maskat në fytyrë tani janë të detyrueshme në transportin publik dhe taksitë private, kështu që të kesh disa maska të fytyrës është goxha thelbësore.

Megjithëse mbetet parësore që publiku i gjerë të mos ketë maska kirurgjikale për fytyrën (maska të tilla thelbësore të fytyrës duhet të jenë të rezervuara vetëm për stafin dhe punëtorët e vijës së përparme), këshillat e fundit thonë se është e detyrueshme të vendosni një maskë për fytyrën kur jeni në transport publik.

Gjithashtu, këshillohet vendosja e tyre në hapësira të tjera të mbyllura, si dyqane dhe zyra të ndryshme.

Ndërsa po vendosni maskën, është e rëndësishme që maska e fytyrës tuaj të jetë e pastër sa herë që e vendosni, për të shmangur sëmundjet.

Nuk e dini si ta lani në mënyrën e duhur? Eksperti i lavanderisë, Deyan Dimitrov, drejtor i Laundryheap, ndan këshillat e tij praktike se si të lani siç duhet maskën tuaj, për t’u siguruar që të largoheni nga ndotjet dhe si saktësisht ta ruani maskën tuaj kur nuk jeni duke e përdorur atë.

Pse është e nevojshme ta lani atë sa herë që e përdorni?

Nëse blini ose bëni vetë maskën tuaj të fytyrës me material, është e mençur ta pastroni rregullisht. Edhe pse qëllimi i maskës së fytyrës është të mbroni të tjerët nga vetja, maska e fytyrës tuaj me material ende ka nevojë për larje. Nëse nuk e lani atë, rrezikoheni nga mikrobet dhe bakteret që ndodhen në maskën e fytyrës, gjë që mund të bëjë që të sëmureni ose të shkaktoni akne në zonat ku maska juaj mbështetet në fytyrën tuaj.

Mënyra më e mirë për larje

Mënyra më e mirë për të larë maskën tuaj të fytyrës është ta vendosni atë në lavatriçe dhe të shtoni disa dezinfektues të sigurt për materiale.

Mund ta lani me dorë po ashtu

Nëse nuk keni kohë për larje me lavatriçe në mbrëmje, atëherë lehtë mund të lani maskën tuaj. Mbushni një enë të pastër me ujë të nxehtë dhe dezinfektues dhe filloni të pastroni maskën. Hidhni ujin sa më të nxehtë dhe sigurohuni që të pastroni mirë maskën për pesë minuta.

Më pas shpëlajeni maskën me ujë të ftohtë dhe lëreni të thahet plotësisht.

Ruajeni siç duhet kur nuk e përdorni

Nëse hiqni maskën për çfarëdo arsye, sigurohuni që ta ruani siç duhet derisa të shkoni në shtëpi për ta larë. Lënia e maskës tuaj lirshëm në çantën tuaj mund të transferojë mikrobet në sende të tjera në çantën tuaj dhe anasjelltas. Mbani një çantë të vogël të disponueshme brenda çantës ose xhepit tuaj që mund ta mbani maskën derisa të vijë koha për ta larë.

Kini më shumë se dy maska

Të kesh dy maska për fytyrën do të thotë që gjithmonë do të kesh një rezervë kur tjetra të lahet, kështu që ia vlen të investosh. /Telegrafi/