U paraqit me një kopje të Kur’anit në gjykatë, çfarë dihet për fenë e Andrew Tate?

Andrew Tate ishte i zëshëm për besimet e tij fetare përpara se të burgosej në Rumani.

Ja gjithçka që dimë se çfarë feje ndjek 36-vjeçari, shkruan The Sun.

Cila është feja e Andrew Tate?

Andrew Tate tha se ai u konvertua në Islam pasi një video e tij duke u lutur në një xhami në Dubai u bë virale në tetor të vitit 2022.

Ai sugjeroi se ndërsa ishte rritur në një vend të krishterë, ai gjithmonë kishte respekt për Islamin.

Gjatë një paraqitjeje në gjykatë më 10 janar 2023, Tate u shfaq duke mbajtur një kopje të Kuranit në dorë.

Tate fillimisht u rrit si i krishterë dhe ishte anëtar i Kishës Ortodokse Rumune.

Çfarë ka thënë Andrew Tate për fenë?

Tate e krahasoi më parë krishterimin me islamin për të shpjeguar pse u konvertua.

Ish-kikboksieri profesionist tha gjithashtu se Islami është feja e vetme që nuk respektohet sot në botë.

Tate më parë ka ngjallur neveri të gjerë dhe është ndaluar nga platforma të ndryshme të rrjeteve sociale për pikëpamjet e tij mizogjene ndaj femrave.

Nga është Andrew Tate?

Tate ka lindur në Uashington DC, por u transferua në Luton, Angli, pasi prindërit e tij u divorcuan.

Babai i tij, Emory Tate, ishte një mjeshtër ndërkombëtar shahu, ndërsa nëna e tij Eileen është angleze.

Babai i tij vdiq në vitin 2015.

Ai jetoi me nënën dhe vëllezërit e motrat, duke përfshirë vëllain Tristan, në pronën Marsh Farm.

Ai u largua nga Anglia për në Rumani në vitin 2017 dhe që atëherë ka banuar atje.

Nëna e Tate mbetet në banesë në Luton dhe shkëmbeu vizita me djemtë e saj përpara arrestimit të tyre në Rumani në janar të vitit 2023. /Telegrafi/