U largua duke zbuluar skandale te Juventusi, Trezeguet tregon hapur çfarë ka ndodhur me Ronaldon në Torino

David Trezeguet pranon që Cristiano Ronaldo ka pasur probleme me disa nga shokët e tij të skuadrës te Juventusi.

Ish-sulmuesi është golashënuesi më i mirë i huaj në historinë e Zonjës së Vjetër dhe në vitin 2018, ai u bë ambasadori i markës së klubit, një rol që ai zyrtarisht e la javën e kaluar.

“Unë dua të prezantoj përsëri në botën e futbollit, ka shumë trajnerë dhe drejtorë të rinj dhe unë mendoj se jemi në fillim të një ndryshimi të gjeneratave”, ka thënë francezi për La Gazzetta dello Sport, duke shpjeguar arsyen pse u largua nga Juventusi.

Gjatë intervistës, ai pranoi se Cristiano Ronaldo kishte pasur probleme me disa nga shokët e tij të skuadrës në Torino.

“Ishte nënshkrimi më i mirë nga klubi, askush nuk e priste atë”, shtoi Trezeguet.

Lexo po ashtu Formacioni i frikshëm i PSG për edicionin 2021/22 me gjashtë transferime të bujshme

“Ka pasur disa probleme me shokët e tij të skuadrës, dhe ju mund ta shihni këtë, por ai ka shënuar 100 gola”.

“Unë mendoj se askush nuk ka qenë në gjendje ta menaxhojë atë si Zinedine Zidane, ndoshta ka pasur një mungesë të dialogut në Juventus në një moment”.

“Një trajner mund t’i thotë një lojtari: ‘Shikoni këtë lojë, ju keni ecur për 90 minuta dhe duhet të më ndihmoni të fitoj ndeshjet”.

“Ka lojtarë që nuk dëshiron t’i kesh kundër sepse të bëjnë të fitosh ndeshjet. Ronaldo është njëri prej tyre, Dybala gjithashtu. Disa nga të tjerët, me gjithë respektin e duhur, jo aq shumë”, ka deklaruar më tej legjenda e futbollit.

Cristiano Ronaldo u bashkua me Juventusin nga Real Madridi në një lëvizje prej 112 milionë euro në vitin 2018, gjersa tani lidhet me një kalim te Paris Saint-Germain. /Telegrafi/