Boksieri britanik, Tyson Fury dhe bashkëshortja e tij, Paris, kanë shitur shtëpinë e tyre bregdetare në Morecambe, Lancashire, për një fitim të konsiderueshëm.
Shtëpia, një nga dy pronat që ata zotërojnë në zonë, u vu fillimisht në treg në korrik për rreth 920 mijë eurosh, por u shit muajin e ardhshëm për 805 mijë euro pas një uljeje prej 115 mijë eurosh.
Megjithatë, çifti ka realizuar një fitim të madh, pasi e kishte blerë këtë pronë në vitin 2015 për 552 mijë eurosh.
Prona e gjashtë dhomave të gjumit ofron pamje panoramike të bregdetit dhe ka një garazh të gjerë, sallon me shkallë elegante, kuzhinë ngrënieje që hapet në një verandë të mbyllur dhe një dhomë kryesore me ballkon privat dhe suitë.
Përveç stilit modern, shtëpia ka detaje unike si mure banjoje me stil mermeri, tapet me pika diamanti dhe mobilie me doreza të veçanta.
Fury mbajti këtë pronë edhe pasi u transferua në një vilë më luksoze pranë bregdetit në vitin 2020, duke ruajtur lidhjen e tij me qytetin e lindjes.
Sipas listimeve të pronës, ajo është “shumë pranë rrugës e hekurudhave” dhe përshkruhet si një shtëpi ideale për familje moderne ose për një çift që kërkon hapësirë shtesë për punë nga shtëpia ose për argëtim.
Kopshtet e mbyllura dhe tarraca e madhe ofrojnë hapësirë për relaks dhe pamje mahnitëse të gjirit, ndërsa prona përfshin edhe parkim privat për dy ose tre makina.
Shtëpia tani u ka kaluar pronarëve të rinj, por disa detaje personale, si portreti i Tyson Fury i varur në korridor, mbeten një kujtim i pronarit të mëparshëm. /Telegrafi/
