Tyson Fury është bllokuar nga Wikipedia, sepse e ka ndryshuar profilin e Klitschkos

Tyson Fury ka pranuar se është bllokuar nga Wikipedia, pasi e ka edituar profilin e Wladimir Klitschkos.

Para triumfit historik ndaj legjendës ukrainase në vitin 2015, britaniku kishte thënë se rivali i tij ishte ‘i mërzitshëm’ dhe e kishte mbretëruar në tërësi.

Asokohe, Fury ia rrëmbeu titujt WBA, WBO IBF dhe IBO, të cilët legjenda ukrainase i kishte mbrojtur për afro një dekadë.

Ndërkaq, në një intervistë për BT Sport, Tyson ka pranuar se është bllokuar nga Wikipedia për shkak të editimit të profilit Klitschkos.

I pyetur nëse thashethemet se ia ka edituar përmbajtjen e profilit të ukrainasit janë të vërteta, Fury ka thënë: “Po, është e vërtetë, derisa u bllokova nga Wikipedia”.

Lexo po ashtu Paris Fury tregon hapur se kur do të pensionohet nga boksi Gypsy King

“E bëra, sepse është një faqe publike dhe doja të dëshmoja se kushdo mund të shkruajë çfarë të dëshirojë në Wikipedia, sepse është publike”.

“Prandaj, nëse dëshironi të hyni dhe ta ndryshoni profilin tim, mund ta bëni”, ka thënë Fury.

Kur është pyetur nëse e ka ndryshuar ndonjëherë profilin e vet, ai ka thënë: “Jo, kurrë nuk kam ndryshuar asgjë timen”. /Telegrafi/