Tyler Cameron flet rreth ndarjes nga modelja Gigi Hadid

Romanca e modelit Tyler Cameron dhe superyllit Gigi Hadid mund të ketë marrë fund, por ai nuk ka asgjë tjetër veçse respekt për ish-in e tij.

Duke folur me PEOPLE TV’s Reality Check të hënën, ish-kandidati i Bachelorette konfirmoi që ai dhe supermodelja kanë mbetur miq pasi ata i ndanë rrugët e tyre këtë vjeshtë.

“Ajo është një person i shkëlqyeshëm dhe unë takova një mike të mrekullueshme”, ka thënë Cameron, 26 vjeç, për Hadid, 24 vjeçe, kur u pyet për pjesën më të mirë të marrëdhënieve të tyre. “Është dikush për të cilin kam shumë respekt dhe mendoj shumë, kështu që takova një person të shkëlqyeshëm”.

Cameron gjithashtu preku një nga arsyet e ndarjes së tyre, ndërsa theksoi se gjithçka ishte paqësore.

“Nuk ishte si një ndarje e keqe apo diçka e tillë”, tha Cameron. “Ishte e drejtë, ne jemi në pjesë të ndryshme të jetës sonë tani për tani”.

Edhe pse dyshja nuk janë tashmë së bashku, Cameron siguroi që ai dhe Hadid janë miq shumë të mirë.

Ndërsa romanca e tij me Hadid ishte jetëshkurtër, Cameron tha se ai po vazhdon të mësojë “aq shumë” për veten e tij çdo ditë.

“Unë ende mësoj aq shumë për veten time çdo ditë. Të jesh në këtë dritë është krejtësisht e ndryshme, kështu që unë ende po mësoj”, i tha ai Reality Check të hënën.

Dhe duke parë të ardhmen, Cameron tha që ai përsëri do të ishte “i hapur” për të takuar dikë që është në sytë e publikut. “Unë jam i hapur për të takuar këdo, të njohur ose jo”, pranoi Cameron, i cili shtoi, “vetëm në kohën e duhur”. /Telegrafi/