Tuchel: Kemi shumë mungesa, mund të luajmë me lojtarë U23

Thomas Tuchel thotë se ai mund të detyrohet të përdorë lojtarë nga U23 dhe akademia për përballjen e Chelseas në Kupën Carabao ndaj Brentford, duke shtuar se është “i trishtuar” që ekipi i tij aktualisht nuk është në gjendje të konkurrojë në “nivelin më të lartë”.

Chelsea është goditur rëndë nga rritja e fundit e rasteve me Covid në të gjithë Premier Ligën dhe ka përjashtuar shtatë lojtarë të ekipit të parë në barazimin e tyre 0-0 ndaj Wolves të dielën.

Një nga këta lojtarë – Jorginho – është në gjendje të rikthehet për çerekfinalen e së mërkurës kundër Brentford pasi u konfirmua se ai kishte regjistruar një rezultat negativ, por gjashtë të tjerët mbeten jashtë.

Me Chelsea që po përballet me një seri prej katër ndeshjesh në 12 ditë dhe duke luftuar për të mbajtur ritmin me Manchester Cityn në garën për titull në Premier Ligë, Tuchel thotë se mund të mos ketë zgjidhje tjetër veçse të thërrasë lojtarët e rinj pa përvojë të klubit në Brentford.

“Ata u stërvitën me ne dje dhe sot”, tha kryetrajneri. “Ne i bëmë të vijnë për dy seanca stërvitore sepse është e nevojshme, transmeton lajmi.net

“Ne duhet të mbrojmë lojtarët tanë dhe kjo është arsyeja pse sollëm lojtarët e akademisë dhe mendojmë të luajmë me ta.

“Mund të ndodhë nesër që ne t’i japim përparësi shëndetit – jo ndeshjes kundër Aston Villa (në Boxing Day) – dhe të mos rrezikojmë me disa nga lojtarët tanë.

“Kjo është krejtësisht kundër natyrës sonë, por ndoshta jemi të detyruar ta bëjmë këtë. Më bën të trishtuar sepse nuk është ky sporti dhe nuk jemi për këtë.

“Ne jemi shumë konkurrues – kjo është arsyeja pse ne punojmë këtu dhe kjo është arsyeja pse lojtarët nënshkruan me Chelsean. Ne po luftojmë për çdo garë.

“Nuk më pëlqen absolutisht të gjykoj rëndësinë e lojërave sepse nuk mund ta dallosh kurrë. Nuk ka asgjë më të rëndësishme se të fitosh, të performosh së bashku dhe të luftosh së bashku”, ka deklaruar ndër të tjerash tekniku gjerman.