Tsipras: Ku janë luftëtarët për Maqedoninë, tani kur Mitsotakis e respekton Marrëveshjen e Prespës

“Ku janë të gjithë ata luftëtarë të Maqedonisë? I ka parë dikush? Ku janë fshehur tani kur Mitsotakis jo vetëm që e mbështet, por edhe e respekton Marrëveshjen e Prespës?”.

Kështu ka deklaruar lideri i Syrizas, Aleksis Tsipras, gjatë ngjarjes në të cilën është përgjigjur në 20 pyetjet e popullarizuara të parashtruara dhe të zgjedhura nga anëtarët e platformës partiake.

I pyetur për këtë se “propaganda e djathtë ka arritur të krijojë përshtypje në opinion se e majta identifikohet me forcat antikombëtare”, ish-kryeministri grek tha se kjo propagandë ishte “veçanërisht intensive saktë para një viti kur u votua marrëveshja”. Ai tha se zgjidhja e Demokracisë së Re atëherë ka qenë “të identifikohet me mendime radikale, me qarqe radikale, ta helmojë shoqërinë greke dhe edhe një herë të bëjë ndarjen e patriotëve dhe tradhtarëve”.

“Patriotizmi në kohën tonë, patriotizmi bashkëkohor, nuk është ta urresh atdheun e tjetrit, por ta duash atdheun tënd dhe të mendosh se edhe tjetri ka të drejtë ta dojë atdheun e tij. Vitin e kaluar kaluam momente të vështira. Por, sot, kush diskuton për këtë? Ku janë ata luftëtarë për Maqedoninë. I pa dikush? Ku janë fshehur të gjithë ata, tani z. Micotakisi jo vetëm që e mbështet, por edhe e respekton Marrëveshjen e Prespës?”, theksoi Tsiprasi, duke u përqendruar në rëndësinë e nocionit atdhe për të majtën.

Për Marrëveshjen e Prespës tha se “i kanë mbrojtur të vërtetën dhe interesin patriotik”.

“Mendoj se dalëngadalë madje edhe ata të cilët vitin e kaluar ishin nën ndikim dhe dilnin në rrugë, ishin të ndjeshëm, kuptojnë se këtë e bëmë në dobi të interesit patriotik. Sepse tani, kur Turqia na provokon do të ketë mundësi me aeroplanët F-16 e saj të fluturojë mbi Maqedoninë e Veriut”, tha Tsiprasi duke u përgjigjur në njërën nga 20 pyetjet e parashtruara nga anëtarët e platformës partiake.

Lideri i Syrizas porositi se e majta “ka qenë dhe mbetet forcë patriotike dhe forcë e përgjegjësisë kombëtare”.