Tri raste të dhënies së gjobave në autostrada, njëri me 200 euro për mos regjistrim të veturës dhe dy të tjerë me nga 500 euro për ndalim të vozitjes

Njësia për Kontroll të Autostradave ka identifikuar dy raste pasi nuk e kishin regjistruar veturën  e tyre si dhe një tjetër është identifikuar nga Njësia për Përcjellje të Personaliteteve të Rëndësishme në autostradat e Kosovës.

Sipas një postimi të Policisë së Kosovës në rrjetin social në Facebook bëhet e ditur se në rastin e parë drejtuesi i mjetit të transportit të pa regjistruar më tepër se 30 ditë është dënuar me 200 euro.

Ndërsa siç thuhet në postim në rastin e dytë shoferi ka drejtuar mjetin nën masën mbrojtëse “ndalim i drejtimit të mjetit me veprim motorik”, i cili është gjobitur 500 euro 5 pikë negative dhe i është vazhduar masa mbrojtëse edhe për 6 muaj si dhe është konfiskuar automjeti.

Ndërkaq, në rastin e tretë njësia për Përcjellje të Personaliteteve të Rëndësishme ka identifikuar shoferin duke drejtuar mjetin nën masën mbrojtëse “ndalim i drejtimit të mjetit me veprim motorik”, i njëjti është gjobitur 500 euro, 5 pikë negative dhe i është vazhduar masa mbrojtëse edhe për 6 muaj si dhe është konfiskuar automjeti. /Telegrafi/