Barcelona është në kërkim të një mbrojtësi qendror për të përforcuar repartin mbrojtës.
Mediat spanjolle raportojnë se tashmë kataluansit kanë identifikuar tre mbrojtës të nivelit të lartë.
Milan Skriniar i Interit, Kalidou Koulibaly i Napolit dhe Dayot Upamecano i Leipzigut janë tre mbrojtësit të cilët po përcillen nga katalunasit.
Sipas Mundo Deportivo, ekipi i Ernesto Valverdes do të largojë dyshen e mbrojtjes, Thomas Vermaelen dhe Javier Mascherano, në janar ose në fund të sezonit.
Ata dëshirojnë të shtojnë konkurrencën në këtë repart, ku dyshen e mbrojtjes e përbëjnë Gerard Pique dhe Samuel Umtiti, transmeton kp.
Për transferimin e ndonjërit nga këta mbrojtës, ekipi spanjoll do të duhet të paguajë shuma të larta parash, pasi ata janë në formë fantastike në këtë sezon, dhe ekipet e tyre kanë bërë të ditur se nuk do të heqin dorë lehtë prej tyre.
