Transferimi i Raphinhas varet nga e ardhmja e Dembeles

Transferimi i Raphinha nga Leeds United te Barcelona varet i gjithi nga ardhja e sulmuesi francez, Ousmane Dembele.

Sipas gazetës Mundo Deportivo, ndjekja e Barcelonës për Raphinhan varet nga e ardhmja e Dembeles.

Vetëm njëri nga të dy do të jetë në Camp Nou sezonin e ardhshëm. Kontrata e Dembeles me Barcelonën skadon këtë verë dhe është ende e pasigurt nëse ai do të rinovojë apo jo kontratën.

Lexo po ashtu Laporta e konfirmon disi largimin e Dembeles

Raphinha dëshiron të largohet nga Leeds United dhe të vijë në La Liga, por Barça nuk do të bëjë një sulm të vërtetë për të nëse nuk bëhet e qartë se Dembele nuk do të rinovojë.

Barcelona kishte shpresuar se do të ishte në gjendje të përfitonte nga një klauzolë lirimi prej 25 milionë euro që do të hynte në fuqi në kontratën e Raphinhas në Elland Road nëse Leeds do të binte nga kategoria.

Lexo po ashtu Barcelona e do Lewandowskin dhe Raphinhan për të formuar treshen e re sulmuese

Por, duke qenë se ata kanë siguruar mbijetesën, ata do të duhet të negociojnë me klubin e Ligës Premier dhe të ofrojnë një shumë dukshëm më të lartë.

Braziliani, 25 vjeç, është në të njëjtën moshë me Dembelen dhe luan në krahun e djathtë të sulmit. /Telegrafi/