Trajneri, tregu, strategjia – planet e ‘Juventusit të ri’

Një epokë e re ka nisur në historinë e Juventusit nën drejtimin e Gianluca Ferrero dhe Maurizio Scanavino, dhe klubi pritet të marrë një rrugë të re si brenda dhe jashtë fushës.

Mediumit La Gazzetta dello Sport detajon se si presidenti dhe drejtori i ri nuk planifikojnë të zëvendësojë as trajnerin Massimiliano Allegri dhe as drejtorin sportiv Federico Cherubini për momentin, por gjërat mund të ndryshojnë në verë në varësi të vendit ku skuadra e përfundon sezonin.

Kontrata e Allegrit me Juventusin vlen rreth 7.5 milionë euro neto në sezon plus bonuse, që skadon në vitin 2025, duke e bërë të shtrenjtë shkarkimin e tij.

Marrëveshja aktuale e Cherubinit me klubin skadon një vit më parë, më 2024. Sjellja e një trajneri të ri, si Antonio Conte apo Zinedine Zidane, pritet të kushtojë rreth 60-90 milionë euro, duke e lënë këtë ide të paarritshme për momentin.

Lexo po ashtu Juventusi konsideron Zidanen dhe Conten, lëkundet karrigia e Allegrit

Sa i përket tregut të transferimeve, Ferrero dhe Scanavino nuk po planifikojnë ndonjë operacion të madh si marrëveshja prej 117 milionë eurosh për Cristiano Ronaldon në korrik 2018. Në vend të kësaj, fokusi do të jetë në ndërtimin e një skuadre të re dhe të qëndrueshme.

Në javët e ardhshme, Scanavino do të vlerësojë plotësisht skuadrën e Juventusit dhe do të vendosë se cilët lojtarë do të mbajë, cilët do të shesë dhe çfarë zëvendësimesh nevojiten në tregun e transferimeve.

Panchina, mercato, nuove strategie: tutti i piani della nuova #Juve https://t.co/Rw4KHPAFq8

— calciomercato.com (@cmdotcom) January 19, 2023

Ka gjithashtu plane për të sjellë në klub një figurë të ngjashme me Paolo Maldinin, me tifozët që ëndërrojnë për rikthimin e mundshëm të Alessandro Del Piero në Torino.

Opsione të tjera të mundshme për këtë rol përfshijnë Cristiano Giuntoli i Napolit dhe Frederic Massara i Milanit, dy njerëz që e njohin mirë tregun modern të transferimeve. /Telegrafi/