Trajneri i Danimarkës shpërthen në konferencë për shtyp, nxjerr telefonin dhe tregon se çfarë i bëri VAR-i

Danimarka është eliminuar nga Kampionati Evropian ‘Euro 2024’ pasi është mposhtur nga Gjermania me rezultat 2-0.

Trajneri i Danimarkës, Kasper Hjulmand shprehu zemërimin e tij pasi dy vendime vendimtare të VAR-it shkuan kundër ekipit të tij, duke çuar në eliminimin e tyre nga Euro 2024 nga Gjermania.

“Duhet të përgëzoj Gjermaninë, por ndeshja u vendos nga dy vendime të VAR. Unë e kam foton në telefonin tim këtu. Është jashtë loje me një centimetër”.

Lexo po ashtu Si ndryshon gjithçka në futboll brenda tre minutash, VAR vendimtar: Shënoi gol dhe iu anulua, pastaj shkaktoi penallti

“Dhe unë jam shumë i lodhur nga rregulli qesharak i hendbollit. Ne nuk mund t’i bëjmë mbrojtësit tanë të vrapojnë me duart e tyre pas shpine. Është zhgënjyese. Nuk është ashtu siç supozohet të jetë futbolli”.

“Unë nuk jam kundër VAR-it, por duhet të jemi më të shpejtë dhe ta përmirësojmë atë. Sipas mendimit tim, vendimi duhet të jetë aq i qartë sa hëna dhe jo siç e pamë sot”, deklaroi Hjulmand.

Së pari, goli i Joachim Andersen u anulua për shkak se Thomas Delaney u ishte paksa jashtë loje nga teknologjia gjysmë e automatizuar.

Pak çaste më vonë, Andersen u shndërrua në fytyrë tragjike, kur preku topin me dorë dhe gjyqtari pasi shikoi rastin në VAR akordoi penallti për gjermanët.

Trajneri i Gjermanisë, Julian Nagelsmann pranoi se do të ishte i frustruar nëse një vendim i tillë do të ishte kundër ekipit të tij.

“Ishte një lojë e egër. E kuptoj pse Danimarka është e mërzitur. Vendimi i penalltisë është i ashpër, por ky është rregulli. Andersen nuk e ka prekur topin qëllimisht. Edhe unë do të mërzitesha nëse do të ishte e kundërta, por unë duhet ta pranoj”, deklaroi Nagelsmann. /Telegrafi/