Trajneri i Atalantas, Gasperini zbulon se kishte COVID-19 dhe frikësohej se do të vdes

Trajneri i Atalanta, Gian Piero Gasperini zbulon se ai kishte Covid-19 në ditën e ndeshjes së tyre në Ligën e Kampionëve me Valencian.

Bergamo ishte një nga epiqendrat e pandemisë në Itali dhe shumë ekspertë citojnë se ndeshja Atalanta-Valencia në San Siro ishte njëra nga shkaqet kryesore, pasi 40 mijë tifozë ishin në Milano, duke festuar rezultatin historik 4-1.

“U ndjeva keq një ditë para ndeshjes me Valencian, por pasditen e ndeshjes u ndjeva edhe më keq”, ka thënë fillimisht Gasperini për La Gazzetta dello Sport.

“Nëse i shikoni fotografitë, nuk dukesha mirë në bankinë. Kjo ishte më 10 mars. Dy netët më pas, nuk flija mirë. Nuk kisha ethe, por ndjeja sikur kisha”.

Lexo po ashtu Kryetari i Bergamos: Ndeshja Atalanta-Valencia ishte një bombë biologjike, 40 mijë tifozët janë infektuar me coronavirus

“Çdo dy minuta, një ambulancë kalonte, pasi ka një spital afër terrenit. Kjo dukej si një zonë lufte. Natën mendoja, çfarë do të ndodhë me mua nëse shkoj në atë spital? Nuk mund të shkoj tani, kam akoma shumë për të bërë…”.

“Ishte në një farë mënyre një shaka me veten time për të lehtësuar gjendjen shpirtërore, por nga ana tjetër, vërtet mendoja për këtë. Pastaj, të shtunën më 14 mars, unë pata seancën më të vështirë të stërvitjes në këto vite karrierë, një orë në makinën e vrapimit, plus një vrapim 10 km. Ndihesha i fortë, mrekullueshëm”.

Vetëm kohëve të fundit është shfaqur se humbja e shijes mund të jetë një shenjë e Covid-19 dhe Gasperini përshkruan simptomat në mënyrë perfekte.

“Një ditë më pas, ekipi mori ushqim nga një kuzhinier i yjeve të Michelin, i cili është një tifoz i Atalantas. E shijova dhe i thashë: ‘Ky është ujë…’. Kisha humbur plotësisht ndjenjën time të shijes”.

Lexo po ashtu Gasperini pas kualifikimit në çerekfinale: Atalanta mund të bëjë edhe më mirë në Ligën e Kampionëve

“Kam qëndruar në terrenin e trajnimit Zingonia për tre javë. Kur u ktheva në shtëpinë time në Torino, gjithmonë respektoja distancimin shoqëror me gruan dhe fëmijët. Ndërsa kurrë nuk kam pasur ethe, nuk kam bërë testin e shtupës, por 10 ditë më parë analizat e gjakut konfirmuan se kisha Covid-19”.

“Unë kam antitrupa, por kjo nuk do të thotë që tani jam imun”, përfundoi italiani. /Telegrafi/