Toyota dhe Hyundai do të shfaqin veturat e tyre sportive në një event të përbashkët

Hyundai është një rival në zhvillim për Toyotan, por kjo nuk do të thotë se dy prodhuesit e automjeteve janë armiq të betuar.

Ata në fakt po bashkëpunojnë duke organizuar së bashku një ngjarje veturash më vonë këtë muaj në Korenë e Jugut.

"Hyundai N x Toyota Gazoo Racing Festival" do të bashkojë veturat sportive të rrugës nga të dyja kompanitë, përcjell Telegrafi.

Do të ketë gjithashtu një mori prototipash dhe konceptesh interesante të veturave.

I planifikuar të zhvillohet më 27 tetor në Everland Speedway në Yong-in, eventi do të presë modelet GR Supra dhe GR86 të Toyota-s së bashku me Elantra N të Hyundai (Avante N në Kore) dhe Ioniq 5 N plotësisht elektrik.

Mbetet për t'u parë nëse ky është fillimi i diçkaje më thelbësore. /Telegrafi/