Torino konfirmon ofertën 65 milionë euro nga Arsenali për Belottin

Torino ka konfirmuar se kanë marrë ofertë nga Arsenali për Andrea Belotti, që besohet të jetë 65 milion €, por sipas tyre ai është më i vlefshëm.

Reprezentuesi italian kohëve të fundit nënshkroi një kontratë të re, e cila ka një klauzolë lirimi prej 100 milion që është e vlefshme vetëm për klubet jashtë Italisë.

Lexo po ashtu Zyrtare: Belotti rinovon me Torinon, kjo është klauzola marramendëse e tij

Ka pasur raporte nga mediat italiane se Arsenali ka ofruar 65 milionë euro për sulmuesin italian dhe këtë të e ka pranuar edhe drejtori sportiv i Torinos, Gianluca Petrachi.

“Po, kemi marrë ofertën, por kjo nuk pasqyron vlerën e lojtarit”, tha Petrachi për Sky Sport Italia kur u pyet në mënyrë specifike në lidhje me ofertën e Arsenalit.

“Gjithsesi, ai nuk po shkon askund tani për tani. Ne duam që të gëzojmë atë, atëherë do të shohim se çfarë do të ndodh”, përcjell Telegrafi.

Lexo po ashtu “Icardi është vdekjeprurës, ndërsa Higuain sulmuesi perfekt – jam befasuar edhe nga Belotti e Dzeko”

“Ne synojmë për të mbajtur Belottin dhe presidenti Urbano Cairo ka nënshkruar këtë klauzolë të rëndësishme. Unë mendoj se ai është më i vlefshëm se sa ata kanë ofruar”, përfundoi drejtori sportiv i Torinos.

Ndryshe, Belotti në këtë sezon është njëri ndër sulmuesit më të rrezikshëm në Evropë, pasi deri më tani ka shënuar 13 gola apo një më pak se golashënuesi kryesor i Serie A, Mauro Icardi. /Telegrafi/

https://www.youtube.com/watch?time_continue=2&v=BGCkHetQ1tk