Tjetër fitore për Minnesotan, Davis shpërthen në fitoren e Pelicans (Video)

Minnesota Timberwolves ka marrë edhe fitoren e pestë radhazi në NBA.

‘Viktima’ e radhës për ‘Ujqërit’ ishte Portland Trail Blazers ku triumfuan me 17 pikë epërsi 120-103.

Që nga fillimi i ndeshjes vendasit ishin në epërsi, ndërsa më e larta ishte në çerekun e tretë 24 pikë.

Jimmy Butler ishte më meritori për këtë fitore të vendasve me 24 pikë, pesë kërcime e katër asistime.

Me lojë të mirë u dalluan edhe Jeff Teague me 22 pikë e qendra Towns me 20 pikë e 11 kërcime.

Damien Lillard ishte më efikasi tek mysafirët me 22 pikë por të pamjaftueshme për fitore.

Anthony Davis ka shkëlqyer për skuadrën e tij New Orleans Pelicans në udhëtim tek New York Knicks.

Pelicans triumfuan vetëm pas vazhdimeve me rezultat 123-118.

Davis shkëlqeu në këtë mbrëmje me 48 pikë të shënuara e 17 kërcime.

Me paraqitje të mirë u dallua edhe fundori Holiday me 31 pikë ndërsa DeMarcus Cousins shtoi 15 pikë e 16 kërcime.

Tim Hardway dhe Kristaps Porzingis shënuan nga 25 pikë për vendasit e Knicks por që në fund nuk mjaftuan për fitore. /Telegrafi/

Rezultatet:

New York Knicks – New Orleans Pelicans 118-123

https://www.youtube.com/watch?v=TDJch8oc_kI

Minnesota Timberwolves – Portland Blazers 120-103

https://www.youtube.com/watch?v=Fp4B6mQsm_g

Phoenix Suns – Indiana Pacers 97-120

https://www.youtube.com/watch?v=4KRPKC2j3ds

Miami Heat – Milwauke Bucks 97-79

https://www.youtube.com/watch?v=hx-kMgkxPv8