Real Madridi ka fituar finalen e Ligës së Kampionëve pas fitores 2-0 ndaj Borussia Dortmundit në Wembley.
Megjithatë fillimi i ndeshjes ishte dështim në organizim, pasi tre tifozë kanë pushtuar fushën duke vrapuar.
Ndeshja ndaloi për rreth tre minuta derisa u desh ndërhyrja e sigurimit për t'i larguar ata nga fusha.
Por njëri nga tifozët thuajse shkeli gjithë fushën duke mos u penguar nga askush dhe sigurimi nuk ndërhynte për ta ndaluar.
U desh intervenimi i mesfushorit austriak Marcel Sabitzer që tifozi të rrëzohej.
Edhe kur deshi t'i ik sigurimit për të vazhduar vrapin tifozi, ishte sërish Sabitzer që e pengoi atë duke mos e lënë të ngrihej nga fusha.
Sabitzer ka marrë shumë lëvdata nga tifozët në rrjetet sociale që ndaloi tifozin, pasi sigurimi dështoi plotësisht natën e mbrëmshme në Wembley. /Telegrafi/
