Tifozët e River Plates kanë reaguar në formë të ashpër me të arritur autobusi ekipor i Boca Juniors në stadiumin El Monumental.
Mediat argjentinase raportojnë se tifozët ultras të River Plates sulmuan me gurë dhe gaz lotsjellës autobusin e Boca Juniors.
Kjo ka bërë që shoferi i autobusit të humbë vetdijen dhe shumë lojtarë të kenë të vjellura e të ndihen keq më pak se 1 orë nga fillimi i ndeshjes.
Carlos Tevez u pa i përlotur duke hyrë në stadium.
Besohet se ndeshja mund të shtyhet për një datë tjetër pas ngjarjeve të fundit.
Ndeshja e parë përfundoi me rezultat 2-2 dhe River Plates i mjafton një barazim pa gola në finalen e dytë për ta fituar Copa Libertadores.
Këto dy skuadra që njihen për përballjen SuperClasico, kanë histori të gjatë të rivalitetit të përbetuar. /Telegrafi/
