Tifozët e Milanit kanë zbuluar një koreografi gjigante, ku kanë thumbuar rivalët e tyre të mëdhenj, Juventusin, për dështimet e tyre në finalet e Ligës së Kampionëve.
Mbrëmja e të shtunës ka parë të ndeshen mes vete dy nga rivalët më të mëdhenj në futbollin italian, Milanin dhe Juventusin.
Me ndeshjen që zhvillohet në San Siro, tifozët e Milanit të njohur ndryshe si ‘Curva Sud’ zbuluan një koreografi gjigante.
Në atë koreografi ata u tallën me humbjet e Juventusit në finalet e Ligës së Kampionëve, përcjell Telegrafi.
Bardhezinjtë u mposhtën në Cardiff më maj të vitit 2017 nga Real Madrid, humbja e fundit e një serie prej shtatë humbjeve në finale.
Në koreografinë e tifozëve të Milanit poshtë shkruante: “Kupa e Kampionëve, ëndrra dhe ankthi i madh”.
Koreografia gjigante dhe spektakolare e Curva Sud (Getty Images)
Përveç shkrimit thumbues, tifozët Rossoner kishin mbushur tribunën e tyre me flamuj kuqezi, por edhe një kungull si simbol i “Halloween-it” e njohur si dita e shtrigave.
Vitet dhe qytetet e finaleve të humbura nga Juventusi (Getty Images)
Afër kungullit shiheshin edhe vitet dhe qytetet ku Juventusi ka humbur finalet e Ligës së Kampionëve, duke e bërë të kompletuar këtë koreografi. /Telegrafi/
