Tetë të lënduar dhe dëm material në tre aksidente në Tetovë

Tetë të lënduar prej të cilëve dy më rëndë dhe dëm material prej një mijë denarëve, janë pasojat nga tre aksidente komunikacioni të shkaktuara nga mospërshtatja e shpejtësisë, që ndodhën dje në rajonin e Tetovës.

Zëdhënësi i SPB Tetovë, Marjan Josifovski, informoi se aksidenti me më shumë të lënduar (pesë persona) ka ndodhur rreth orës 21:30 në rrugën lokale që lidh fshatrat Kamjan dhe Sedllarca e Epërme, në afërsi të autostradës Tetovë-Gostivar, pasi nga korsia ka dalur makina “Audi” me targa të Tetovës, e drejtuar nga I.I (27) nga Sedllarca e Epërme, përcjell Telegrafi Maqedoni.

Dy persona janë lënduar edhe në aksidentin që ndodhi rreth orës 11:40 në rrugën rajonale Tetovë-Pirok në Pallçisht të Poshtëm. Në këtë aksident kanë marrë pjesë dy makina me targa të Tetovës – “Sead Cordoba” e drejtuar nga N.K (24) nga Tetova dhe “Golf” me targa të Kumanovës e drejtuar nga F.I (53).

Ndërsa në aksidentin e tretë që ndodhi rreth orës 15:00 në rrugën “142” në Tetovë, lëndime trupore ka marrë Z.R (49) nga Tetova, i cili është goditur me makinë të tipit “Golf” nga tetovari I.S (41).

Sipas të dhënave të para nga hetimet e kryera në tre vendet e aksidenteve, arsye ka qenë shpejtësia e madhe./Telegrafi/