Tërmeti me magnitudë 6.9 ballë që goditi Cebun, Filipine, të martën vonë, duke vrarë të paktën 72 persona, ndodhi në një kohë kur ishte duke u zhvilluar Nata Gala e konkursit të bukurisë Miss Asia-Pacific International 2025.
Dridhja goditi edhe vendin ku merrnin pjesë 43 konkurrente.
Videot që kapnin momentin u bënë virale në rrjete sociale, duke treguar konkurrentet që iknin nga skena ndërsa llambadarët lëkundeshin.
Të ftuarit gjithashtu u panë duke kërkuar strehim nën tavolina.
Shumë konkurrente hoqën takat e kurorat dhe nxituan jashtë.
Organizata e Miss Azi-Paqësorit Ndërkombëtar (MAPI) më vonë konfirmoi se të gjitha kandidatet dhe stafi ishin të sigurta, duke falënderuar Radisson Blu Cebu për reagimin e tyre të shpejtë. /Telegrafi/
