Ter Stegen: Të afërmit qeshin me mua kur u them se nuk di asgjë rreth futbollit

Marc-Andre ter Stegen ka bërë një deklaratë tejet qesharake duke thënë se ai nuk di asgjë rreth futbollit.

Portieri i Barcelonës është njëri ndër më të mirët në botë në pozitën e tij, derisa ka fituar Kupën e Botës, Ligën e Kampionëve dhe katër La Liga.

27-vjeçari ka thënë  se ai ndoshta mund të jetë në mesin e më të mirëve në pozitën e tij, por ende nuk ka njohuri rreth sportit në të cilin luan.

“Të afërmit e mi qeshin me mua kur u them se nuk ja kam idenë rreth futbollit”, ka thënë ai në një intervistë për El Pais.

“Nuk shikoj shumë futboll, në përjashtim ku ka ndeshje të mira ose kur luajnë shokët e mirë në ndonjë takim”.

Lexo po ashtu Barcelona dhe Ter Stegen nuk po arrijnë marrëveshje rinovimi, Chelsea shpreson ta shfrytëzoj situatën

“Ata nganjëherë më pyesin për emrat e lojtarëve, por nuk jam kam idenë se kush janë. I mbaj mend më mirë kur i shoh duke luajtur, por jo edhe jashtë saj”.

“Është paksa e çuditshme, mirëpo unë kështu i studiojë kundërshtarët e mi dhe rrallë shikojmë ndonjë ndeshje në televizor”, ka shtuar më tej Ter Stegen.

Gjermani është padyshim njëri ndër më të mirët në botë, derisa pritet të largohet nga Barcelona në këtë verë. /Telegrafi/