Ten Hag kërkon nga drejtuesit e klubit transferimin e dyshes së Ajaxit

Erik Ten Hag ka marrë drejtimin e gjigantit anglez Manchester United dhe synon ta rikthejë në maje të futbollit anglez dhe atij evropian.

E për të ndërtuar një ekip të fuqishme dhe konkurruese, Ten Hag ka bërë një listë me futbollistët që dëshiron të ketë nën urdhrat e tij në Old Traford.

Dy yjet e Ajaxit, sulmuesi brazilian Antony dhe qendërmbrojtësi argjentinas Lisandro Martinez janë dëshirat kryesore të Ten Hag.

Sulmuesi 22-vjeçar, Antony në 32 ndeshje zyrtare ka shënuar 12 gola dhe ka asistuar në 10 të tjerë duke ngritur edhe çmimin e tij.

Në anën tjetër formë fantastike ka shfaqur edhe qendërmbrojtësi 24 vjeçar që tanimë është një titullar i rregullt te Argjentina.
Ten Hag i ka vërë të qartë drejtuesve të klubit se dëshiron t’i ketë këta dy futbollistë përsëri nën urdhrat e tij.

Mediat angleze kanë raportuar se tanimë Djajtë e Kuq kanë siguruar nënshkrimin me Antony, ku janë pajtuar të paguajnë 47 milionë euro te Ajaxi për brazilianin.

Por drejtuesit e dy klubeve po diskutojnë edhe për argjentinasin i cili pritet të jetë partner në qendër të mbrojtjes me Raphael Varanen.

Lexo po ashtu Dy formacionet se si mund të rreshtohet Unitedi me prurjet e reja - Ten Hag vështron shtatë lojtarë

Ajax po kërkon rreth 40 milionë euro për të, por sipas Daily Star marrëveshja mund të mbyllet te shuma e 32 milionëve.

Gjithsesi dy yjet e Ajax janë të destinuar për t’u bashkuar me trajnerin Ten Hag i cili me afrimin e tyre i jep energji sulmit dhe siguri mbrojtjes së United. /Telegrafi/