Ten Hag iu drejtohet me një letër emocionuese tifozëve të Man United pas shkarkimit nga klubi

Trajneri holandez Erik Ten Hag, i është drejtuar përmes një letre tifozëve të Manchester United pas shkarkimit të tij nga klubi.

Ten Hag u bë e ditur të hënën se nuk do të jetë më pjesë e ‘Djajve të Kuq’ pas dy vitesh në krye të tyre, vendim ky që u mor pas rezultateve të dobëta këtë sezon.

Ai fillimisht ka falënderuar tifozët e klubit për mbështetjen e pakursyer që i kanë bërë Unitedit qoftë si vendas apo mysafir.

Në vazhdim, ai i falënderoi ata për mbështetjen që i kanë ofruar atij teksa nuk la pa përmendur edhe trofetë që i fituan së bashku gjatë kësaj kohe.

Letra e plotë e Erik Ten Hag drejtuar tifozëve:

“Më lejoni ta nis duke iu falënderuar juve. Faleminderit që ishit gjithmonë aty për klubin. Qoftë ajo ndeshje si mysafir apo një ndeshje e vështirë në ‘Old Trafford’, mbështetja juaj ka qenë e palëkundur. Atmosfera në ‘Old Trafford’ ka qenë gjithmonë elektrizuese, falë juve.”

“E kam ndjerë disa herë. Gjithashtu në ndeshjet si mysafirë, i dha skuadrës dhe mua një ndjenjë të jashtëzakonshme të dëgjosh koret e Unitedit që kishin ndikim tek stadiumet kundërshtare, nëse ndeshja ishte në Angli, Evropë ose në turnetë e verës”.

“E kam shijuar gjithmonë takimin me tifozët e Manchester United anembanë botës. Të ecja rrugëve dhe të isha në gjendje të bisedoja me tifozët në Angli, Evropë, Azi, Australi, Amerikë – ju më frymëzuat mua dhe shfaqët një ndjenjë të fortë bashkimi. Kjo është ajo që i bën tifozët e Unitedit kaq të veçantë”.

“Dua të iu falenderoj që më dhatë këtë ndjenjë dhe për mbështetjen tuaj. Unë gjithashtu dua të falënderoj stafin në çdo departament të klubit për mbështetjen e tyre të palëkundur në kohëra të mira dhe të këqija”.

“Ne fituam dy trofe – arritje të cilat do t’i gëzoj për pjesën e mbetur të jetës sime. Natyrisht, ëndrra ime ishte të sillja më shumë trofe në kabinet. Fatkeqësisht, kjo ëndërr ka ardhur në fund”.

“Iu uroj të gjithë tifozëve të Manchester United asgjë por sukses, trofe dhe madhështi. Mbështetja juaj dhe ngrohtësia që kam marrë nga të gjithë në klub, më ka bërë të ndjehem si në shtëpi”.

“Faleminderit për këtë kapitull në jetën time”, ka shkruar Ten Hag./Telegrafi/