Temperatura të larta, IKSHPK kërkon kujdes të shtuar nga qytetarët

Instituti Hidrometeorologjik bën të ditur se sot do të mbajë mot me diell dhe vranësira të nivelit të mesëm të Troposferës, të cilat vende -vende mund të sjellin riga shiu.

Temperaturat minimale do të lëvizin ndërmjet 13-15 gradë Celsius, ndërsa maksimalet e ditës parashihen të lëvizin ndërmjet 27-35 gradë Celsius.

Do të fryjë erë nga drejtime i juglindjes me shpejtësi 1-4m/s.

Një ditë më parë Instituti Kombëtar i Shëndetit Publik ka bërë thirrje për kujdes të shtuar gjatë këtyre ditëve me temperatura të larta.

IKSHPK kërkon që qytetarët të qëndrojnë në hije, të shmangen daljet gjatë orëve të ditës dhe të mos lihen fëmijët në vetura të parkuara.

Instituti ashtu kërkon që të pihet ujë mjaftueshëm dhe të shmangen pijet me sheqer, kafeinë dhe alkooli.

Ndërkaq, për shkak të temperaturave të larta, Instituti Hidrometeorologjik ka rekomanduar që në shumë institucione, sidomos në shkolla ku dihet se nuk kanë kondicioner dhe ujë jo të mjaftueshëm për pije, orët e mësimit të shkurtohen nga 45 minuta sa janë tani në 30. /Telegrafi/