Telashet për Shakiran s’kanë të ndalur, ajo mund të përfundojë në burg nëse vërtetohet akuza e evazionit fiskal

Sikur Shakira të mos kishte mjaft probleme për momentin, doli se ajo ka një mosmarrëveshje me tatimin dhe mund të përballet me një dënim të mundshëm me burg nëse nuk arrihet një zgjidhje.

Ylli kolumbian po kalon një ndarje të profilit të lartë nga partneri afatgjatë, futbollisti Gerard Pique dhe ajo gjithashtu duhet të përballet me shëndetin e dobët të babait të saj të moshuar, shkruan Marca.

Tani, këngëtarja po hetohet për mashtrim të mundshëm tatimor nga autoritetet spanjolle, të cilat dyshojnë se ajo mund t’i detyrohet shtetit spanjoll më shumë se 14 milionë euro taksa të papaguara.

Çështja lidhet me një periudhë gati trevjeçare midis viteve 2012 dhe 2014 kur këngëtarja mendohej se kishte kaluar shumicën e kohës në Spanjë.

Mësohet se Shakira ka udhëzuar avokatët e saj që të përpiqen të arrijnë një marrëveshje me autoritetet që do të shmangte skandalin e çështjes duke shkuar në gjykatë.

Nëse do të arrinte në gjykatë, një dënim me burg mund të ishte në tryezën e diskutimit.

Në mes të gjithë kësaj, duket se Shakira është në proces të ndryshimit të vendbanimit të saj të përhershëm në Miami, Florida.

Mendohet se ajo dëshiron të mbyllë këtë kapitull të jetës së saj dhe të vazhdojë nga ajo që ka ndodhur me Piquen. /Telegrafi/