Telashe të reja për Giggs, në hotelin e tij bëhet prostitucion (Foto, +16/Video)

Në fillim kokaina, tani një rrjet prostitutash. “Hotel Football” i Ryan Giggs (në bashkëpronësi me Gary Neville) është kthyer në qendër të vëmendjes për skandalin e radhës, këtë herë më sfond seksual.

Sipas mediave angleze, struktura me vlerë 24 milionë euro që ndodhet pikërisht përballë stadiumit Old Trafford, duket se është përdorur nga rreth tridhjetë prostituta dhe nga klientët e tyre për të kryer marrëdhënie seksuale.

Kjo teori është konfirmuar nga njëra prej vajzave, e cila në një intervistë për The Sun, ka pohuar se ka dërguar në ambientet e brendshme të hotelit tetë klientë në vitin e fundit, transmeton Telesport.

Në muajt e kaluar hoteli me katër yje i uellsianit ka dalë në faqet e para të gazetave, pasi në disa dhoma janë gjetur gjurmë kokaine.

Legjenda e Manchester Unitedit që ka qenë në shënjestër të shtypit për shkak të lidhjeve të tij jashtëmartesore në vitet e kaluara (saktësisht me kunatën e tij), tani do të duhet të mbrohet nga kritika të tjera që rrezikojnë të dëmtojnë përsëri një imazh që ish-futbollisti kishte arritur ta rindërtonte falë karrierës së lavdishme që ka pasur me Djajtë e Kuq.