Të shtëna në Florida, dy të vrarë dhe katër të plagosur (Video)

Një person i armatosur vrau dy persona dhe plagosi disa të tjerë në një studio joge në kryeqendrën e Floridës, Tallahassee, gjatë pasdites së të premtes, përpara se t’i jepte fund edhe jetës së tij.

Departamenti i Policisë së Tallahassee iu përgjigj raportimeve për të shtëna në një studio joge, atje ku oficert gjetën disa viktima që kishin marrë plagë nga të shtënat me armë zjarri.

Në një deklaratë të mëvonshme, policia tha se ishin identifikuar 7 viktima në total: 6 të plagosur dhe një i vrarë me pistoletë. Ata identifikuan agresorin si 40-vjeçarin Scott Paul Beierle, gjithsesi motivet e këtij akti mbeten ende të paqarta.

Dy prej të plagosurve me armë zjarri ndërruan më vonë jetë, ndërsa dy të tjerë mbeten ende nën kujdesin e mjekëve, por në gjendje të qëndrueshme, kurse dy të tjerët kanë dalë nga spitali.

Breaking: At least four injuries reported after shooting at a yoga studio in Tallahassee, Florida. The gunman killed himself after the shooting. pic.twitter.com/0X8hM41JER

— PM Breaking News (@PMBreakingNews) November 2, 2018

“Kemi të dhëna se disa persona brenda luftuan fort dhe u përpoqën jo vetëm të shpëtonin veten, por edhe persona të tjerë, gjë që është një akt kurajoje”, tha kryepolici i shtetit, DeLeo, transmeton tch.

Të shtënat duken akt i një personi të vetëm, ndërsa komunitetit nuk i kërcënohet ndonjë rrezik tjetër. Kryebashkiaku i Tallahassee, Andreë Gillum, i cili garon për postin e guvernatorit të Floridës dhe ndërpreu një zhvillim fushate për t’u rikthyer në qytet, shkroi në “Tëitter”:

“U jam mirënjohës forcave ligjzbatuese për reagimin e shpejtë ndaj të shtënave të sotme. Asnjë akt dhune me armë nuk është i pranueshëm. Jam në komunikim të vazhdueshëm me zyrtarët e organeve ligjzbatuese”. /KosovaPress/