Përmbytjet dhe rrëshqitjet e dheut të shkaktuara nga reshjet e vazhdueshme kanë vrarë të paktën 66 njerëz në Nepal dhe 69 të tjerë janë të zhdukur, thanë zyrtarët të shtunën.
Reshjet e shiut kanë rënë që nga mbrëmja e së premtes dhe pritet të vazhdojnë edhe gjatë fundjavës, shkruajnë mediat e huaja, përcjell Telegrafi.
Zëdhënësi i ministrisë së Brendshme, Rishiram Tiwari u tha gazetarëve se 66 persona raportohen të vdekur në të gjithë vendin, nga të cilët 34 ishin në kryeqytetin, Katmandu.
Gjashtëdhjetë njerëz të tjerë u lënduan dhe 3,010 u shpëtuan në të gjithë vendin Himalayan, shtoi ai.
Ai theksoi se të gjitha divizionet e forcave të sigurisë në vend, përfshirë ushtrinë, janë urdhëruar të ndihmojnë në përpjekjet e shpëtimit.
Qeveria kishte lëshuar paralajmërime për përmbytje në të gjithë vendin duke paralajmëruar për reshje masive. /Telegrafi/
