“Të kthehemi më të fortë”, Flick flet pas humbjes së Barcelonës nga Monaco

Barcelona u mposht në ndeshjen e saj hapëse të sezonit 2024/25 të Ligës së Kampionëve, me Monacon që doli si fitues me rezultat 2-1 të enjten.

Katalunasve iu desh të luanin mbi 80 minuta me 10 lojtarë për shkak të largimit të hershëm të Eric Garcias me të kuq, dhe pavarësisht se u kundërpërgjigjën nga goli, ata në fund u mundën.

Hansi Flick dha vlerësimin e tij pas ndeshjes dhe ai pranoi se Barcelona nuk ishte mjaft e mirë për të siguruar diçka nga përballja.

“Ne u përpoqëm në çdo moment, por duhet të pranojmë se ata e meritonin të fitonin”, ka thënë fillimisht Flick pas ndeshjes.

Monaco defeat Barcelona 🔴⚪#UCL pic.twitter.com/nghpCLVZK2

— UEFA Champions League (@ChampionsLeague) September 19, 2024

“Tani duhet të rikuperohemi dhe të kthehemi më të fortë. Kemi edhe shtatë shanse të tjera”.

“Duhet ta pranojmë këtë disfatë. Jam i sigurt se me kthimin e lojtarëve të lënduar, ne do të jemi një ekip më i fortë”, përfundoi trajneri i Barçës.

Flick gjithashtu konfirmoi se Marc Casado është mirë, pas një goditjeje që pësoi në fazat e fundit të ndeshjes.

Barcelona do të shpresojë që mesfushori i ri të jetë mirë për t’u përballur me Villarrealin këtë fundjavë në La Liga. /Telegrafi/