“Të akuzuarit padrejtësisht në Maqedoni, të fitojnë drejtësi”

Përsëritje të procedurave gjyqësore ose intervenim të Prokurorisë Publike përmes mjeteve të jashtëzakonshme juridike – kërkon shoqata “Llupa e Gjelbër”. Nga kjo organizatë thonë se personat të cilët janë akuzuar në mënyrë të padrejtë të fitojnë drejtësi.

Gjykatësi Ilija Tanev, i akuzuar për mitmarrje në rastin “Likuidim”, thotë se që kur qeveria aktuale refuzoi të sjellë vendim për përsëritjen e procedurave gjyqësore, ligji për procedura penale mundësoi që procesi gjyqësor të përsëritet, por vetëm me dëshmi të reja. Problemi, siç thotë Tanev është që vendimet duhet përsëri t’i sjellin gjykatësit e njëjtë.

Ish gjykatësi Valentin Zafirov, gjithashtu i dënuar në rastin likuidim sugjeron një opsion tjetër. Ai propozon që prokuroria shtetërore, tani më në krye me Lubomir Jovevskin, të sjellë kërkesë për mbrojtje të ligjshmërisë.

Por edhe këtu dyshimet nuk zhduken duke marrë parasysh se, siç thotë Zafirov, në Prokurorinë Publike punojnë kuadrot e njëjtë të cilët kanë shërbyer edhe gjatë kohës së qeverisë së mëparshme.

Nga “Llupa e Gjelbër” presin që Këshilli Gjyqësor së shpejti të shpjegohet në lidhje me iniciativat për përgjegjësi të gjykatësve, të dorëzuara nga organizata deri tek Këshilli për fakte i cili tani më është shfuqizuar, pas çka procedurat kaluan nën kompetencat e saj.