Tajon Buchanan është afër bashkimit me Interin nga Club Brugge dhe sipas La Gazzetta dello Sport, kanadezi mund të jetë gati në ndeshjen e ardhshme të Serie A kundër Hellas Verona.
Po ashtu edhe gazetarët Matteo Moretto dhe Fabrizio Romano pretendojnë se Interi është në prag të arritjes së një marrëveshjeje me Club Brugge për nënshkrimin e mbrojtësit të krahut të djathtë, 24-vjeçarit Buchanan.
Romano thotë se marrëveshja mes dy klubeve është 'e afërt' dhe se Interi do të paguajë 7-8 milionë euro për të nënshkruar me mbrojtësin kanadez.
Sipas La Gazzetta dello Sport, Interi ka marrëveshje të plotë me Club Brugge.
Buchanan do t'i nënshtrohet testeve mjekësore me gjigantët e Serisë A javën e ardhshme dhe mund të jetë i gati në ndeshjen e parë të Serie A të vitit kundër Hellas Verona më 6 janar 2024.
Buchanan ka tre gola dhe katër asistime në 20 paraqitje në të gjitha garat këtë sezon. /Telegrafi/
