Taika Waititi: Jam i nderuar që po e vizitoj vendlindjen e gruas time, ndihem si në shtëpi

Artistja me famë botërore Rita Ora ka befasuar me vizitën e saj të papritur në Prishtinë.

Ylli shqiptar me renome ndërkombëtare mbërriti dje (e diel) në Kosovë e shoqëruar nga bashkëshorti Taika Waititi dhe familja e saj.

Arsye e vizitës së Ritës ishte festimi i ditëlindjes së saj të 33-të në vendlindje, ndërsa për partnerin e saj kjo është hera e parë që vjen në Kosovë.

Gjatë ditës, çifti i famshëm u pritën në takim nga kryeministri i Kosovës, Albin Kurti,  ku regjisori nga Zelanda e Re ndau përshtypjet e para për vendin.

”Është hera ime e parë këtu dhe jam i nderuar që vij të vizitoj atdheun e gruas time. Qëndrimi dhe energjia këtu shumë e ngjashme me njerëzit nga unë jam, kështu që ndihem si në shtëpi tashmë”, ka thënë Taika.

Lexo po ashtu Rita Ora në takim me Kurtin: Keni qenë shumë mbështetës, jam shumë krenare të të thërras kryeministri jonë

Kujtojmë që Rita dhe Taika kurorëzuan dashurinë me martesë në një ceremoni private para më shumë se një viti, por lajmin e konfirmuan vetëm pak muaj më parë. /Telegrafi/

.@RitaOra has reached the highest heights of success and recognition worldwide while always honoring her roots and culture back home. It was an honor to host her and @TaikaWaititi today on her birthday. Kosova, the UK, and New Zealand seem without boundaries in the face of art. pic.twitter.com/ZaHJcFqJTT

— Albin Kurti (@albinkurti) November 26, 2023