Edhe sot kompania e kontraktuar ka vazhduar me testimet për stabilitetin infrastrukturor të urës mbi lumin Ibër, në Mitrovicë.
Ministri i Punëve të Brendshme Xhelal Sveçla dhe ai i MAPL-së, Elbert Krasniqi kanë shkuar sërish për të shikuar matjet që po kryhen nga kompania e kontraktuar.
Sveçla në një deklaratë për media ka thënë se ka shkuar për vizitë në veri që të shohë urën mbi lumin Ibër.
“Kjo është vizitë e rregullt, erdha me pa me i bo matjet. Inspektimi i ka 2 faza. Jemi në proces dhe jemi duke shkuar sipas planit. Nuk po shoh asgjë të jashtëzakonshme”, ka vijuar ai.
Se kur do të hapet kjo urë, Sveçla tha “varet se si do të shkojë procesi”.
Ai tha se hapja e urës “nuk ka çka diskutohet në dialogun e Brukselit, pasi ajo është një çështje e mbyllur”.
Ndërkaq, zëvendës ministri i Infrastrukturës, Hysen Durmishi për Telegrafin tregoi se ky proces i këtyre matjeve dhe testimeve mund të zgjas deri në tri ose katër ditë.
Ai tha se në mungesë të projektit në kohën kur është ndërtuar kjo urë, kompania është kontraktuar që të filloj me gjeometrinë e urës, testimin e shtyllave, të pllakave e të themeleve.
“Ata kanë filluar dje dhe tash është çështje e kompanisë deri sa t’i përfundojë. Janë çështje teknike. Dje kanë filluar me gjeometrinë, nuk e di a i kanë përfundu. Por, besoj që për dy tri ditë përfundojnë komplet këto si proces. Ky është një proces, në fillim bëhet gjeometria, pasi për atë urë nuk ka projekt ekzistues në kohën kur është ndërtuar ura. Kanë filluar me gjeometri, e kur ta përfundojnë me gjeometrinë, fillojnë me testimet e stabilitetit të trajeve të pllakave, të shtyllave, të themeleve e të gjitha këto. Si proces nuk zgjat më shumë se tri-katër ditë, ose dy-tri ditë”’, ka thënë Durmishi.
Ndërkaq, sot në veri të Mitrovicës është mbajtur një protestë e qytetarëve serbë për të kundërshtuar hapjen e urës së Ibrit.
Në këtë protestë morën pjesë edhe përfaqësuesit e Listës serbe si dhe kryetari i partisë së “Serbëve të Kosovës”, Aleksandar Jabllanoviq.
Ndryshe ditë më parë, kryeministri i vendit Albin Kurti gjatë një takimi që ka zhvilluar me ambasadorët e vendeve të QUINT-it ka diskutuar edhe mbi zbatimin e marrëveshjes së urës së Ibrit, duke ritheksuar se hapja e urës duhet të ndodhë dhe se kjo nuk është kundër askujt.
“Ky takim sot u zhvillua pikërisht 8 vjet pas diskutimeve që ishin mbajtur me 2 gusht 2016 në Bruksel në lidhje me zbatimin e Marrëveshjes për Urën e Mitrovicës në kuadër të dialogut në Bruksel, e që u pasua pastaj me Planin e Bashkimit Evropian për hapjen e urës së Mitrovicës për këmbësorë dhe automjete në dy drejtime. Kryeministri Kurti paraqiti para përfaqësuesve diplomatikë të shteteve të QUINT-it dhe BE-së planin e Qeverisë për hapjen e urës së Mitrovicës mbi lumin Ibër.
Plani parasheh testimet për stabilitetin infrastrukturor të urës, vlerësimin e rrezikut dhe rreziqeve nga fatkeqësitë natyrore, rivitalizimin vizual të urës me qasje në urë për të gjithë, diskutimet me qytetarë dhe grupe të interesit si dhe fushatën e informimit gjithëpërfshirës mbi përfitimet dhe qëllimet e hapjes së urës”, thuhej në njoftimin e Qeverisë.
Megjithatë, shtetet e QUINT-it e kanë kundërshtuar planin e qeverisë.
Ambasadori i Shteteve të Bashkuara në Prishtinë, Jeffrey Hovenier, ka thënë të premten se vendet e QUINT-it dhe NATO-ja nuk e mbështesin hapjen e urës. /Telegrafi/
Promo
Reklamo këtuLufta Prigozhin - Putin
Më shumëSveçla dhe Krasniqi vizitojnë urën e Ibrit: Hapja e urës çështje e mbyllur, nuk diskutohet në Bruksel
Çfarë po ndodh me identifikimin e trupit të Faton Hajrizit?
Kërkesa e Belerit për ngritjen e shkollës së mesme në gjuhën greke në Himarë, ja si përgjigjet kryetari i ri, Vangjel Tavo
Policia jep detaje për protestën në veri të Mitrovicës
Arben Hajrullahu zgjidhet rektor i ri i UP-së
Paralajmërimet për hapjen e urës së Ibrit, EULEX: Të gatshëm të mbështesim Policinë e Kosovës në rast trazirash
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
"Sondazhi i sondazheve", CNN tregon se kush po udhëheq mes Harrisit dhe Trumpit
Askush nuk e ka bërë asnjëherë atë që bëri gjiganti kubanez në Lojërat Olimpike
Kamala Harris e zgjodhi kandidat për zëvendëspresident - kush është Tim Walz?
Paralajmërimet për hapjen e urës së Ibrit, EULEX: Të gatshëm të mbështesim Policinë e Kosovës në rast trazirash
I jashtëzakonshëm Zhegrova, futet nga banka dhe shënon golin e fitores për Lille
Komentatori olimpik i tmerruar nga zhytja 'e rrezikshme' e garueses - kërkoi që gjyqtarët të ndërhyjnë