Super ushqimet për femra: Konsumoni këta artikuj për t’i parandaluar sëmundjet e ndryshme

Ushqyerja e shëndetshme është e rëndësishme për gjithsecilin, por ushqime të caktuara janë në veçanti të mira për problemet të cilat i prekin femrat – siç janë eshtrat e brishtë, shtatzënia, kanceri i gjirit, etj.

Megjithatë, ka disa “super ushqime” të cilat janë të pasura me vlera ushqyese dhe që u ndihmojnë femrave ta mbrojnë trupin, transmeton Telegrafi.

Më poshtë jua sjellim disa prej ushqimeve më të shëndetshme për femrat.

Kale
Në kale gjenden të paketuara sasi të mëdha të vitaminës K, e cila bashkëpunon me kalciumin dhe vitaminën D për t’jua mbrojtur eshtrat.  Gjithashtu përmban edhe vitamina A dhe C.

Asparagus
Edhe asparagusi është i mbushur me vitaminë K. Përveç kësaj vitamine, gjithashtu është i mbushur edhe me foliat, i cili ndihmon në parandalimin e defekteve të lindjes.

Fasulet
Fasulet kanë shumë proteina dhe fibra. Ato e ulin shtypjen e gjakut, sheqerin në gjak dhe pulsin e zemrës.

Sardelet
Sardelet janë të mbushura me acide yndyrore të shëndetshme, vitaminë D dhe kalcium. Yndyrat e tyre omega-3 e përmirësojnë kualitetin e qumështit të gjirit.

Farat e lirit
Këto fara janë të mbushura me nutrientë të cilët ndihmojnë në uljen e rrezikut për disa lloje të kancerit, duke përfshirë kancerin e gjirit.

Arrat
Edhe arrat janë të mbushura me acide të shëndetshme yndyrore dhe mund ta parandalojnë kancerin.

Avokadot
Avokadot janë të mbushura me yndyrë – por me yndyrë të shëndetshme! Në fakt, studimet tregojnë se dietat e pasura me avokado ndihmojnë në largimin e dhjamit në bark, jua mbrojnë sytë dhe lëkurën.

Spinaqi
Foliati është miku juaj, e ky gjendet në spinaq. Rrjedhimisht, spinaqi i zvogëlon shanset e sëmundjeve mendore, sëmundjeve të zemrës dhe kancerit në zorrë.