Sulmoi shoferen e autobusit, por u rrah brutalisht me shkop nga një udhëtar i moshuar (Video, +18)

Autoritet në Kansas City të Shteteve të Bashkuara, po kërkojnë ndihmë nga qytetarët që të identifikojnë personin që ndihmoi shoferen e autobusit, e cila u sulmua brutalisht nga një udhëtar.

Burrit të panjohur i është bërë gati një medalje nderi, për faktin se me shkopin e tij të hekurt kishte rrahur sulmuesin e shoferes së pafuqishme, transmeton Telegrafi.

Sulmi kishte ndodhur gjatë të shtunës pas mesnatës, kur njëri nga udhëtarët i afrohet gruas të cilën fillimisht fillon ta fyej.

Por reagimi i saj ishte i menjëhershëm e cila ndalon autobusin, pasi që ai vazhdonte t’i afrohej dhe të futet në hapësirën e dedikuar vetëm për shoferë.

Pasi e kuptoi se po i rrezikohej jeta, gruaja e pafuqishme kërkoi ndihmë nga policia në radiolidhje, por sulmuesi ia rrëmbeu derisa ajo bërtiste dhe mundohej të largohej nga ai.

Në momentet kritike, shfaqet një udhëtar i moshuar i cili fillon ta godasë me shkop sulmuesin. Ai vazhdimisht e mbante në tokë dhe nuk e lejonte të ngrihej në këmbë. /Telegrafi/