“Sulmi fizik erdhi nga ai, jo nga unë”, Gasperini i kundërpërgjigjet Gomezit dhe tregon arsyen e largimit

Trajneri i Atalantas, Gian Piero Gasperini i është përgjigjur Papu Gomezit pas komenteve të sulmuesit për largimin e tij nga Bergamo, ku tha se italiani e sulmoi fizikisht.

Argjentinasi pretendoi se trajneri i Atalantas u përpoq ta sulmonte fizikisht në zhveshtore pasi ai ‘nuk iu bind’ urdhrave në fushë në një ndeshje kundër Midtjylland në Ligën e Kampionëve.

Ish-kapiteni u hap me lamtumirën e tij dhe i shpjegoi mediumit La Nacione se si sillej trajneri dhe klubi ndaj tij, ku nuk kurseu kritikat edhe ndaj presidentit.

Lexo po ashtu Gomez zbulon gjithë historinë e largimit: Gasperini u përpoq të më sulmonte fizikisht, presidenti e përkrahi

Por, Gasperini iu përgjigj komenteve në një deklaratë për La Gazzetta dello Sport, duke pretenduar se ishte e kundërta.

“Sjellja dhe qëndrimi i Gomez, brenda dhe jashtë fushës, ishin bërë të papranueshme për trajnerin dhe shokët e tij të skuadrës”, ka thënë fillimisht Gasperini për La Gazzetta dello Sport.

“Sulmi fizik erdhi nga ai, jo nga unë, por arsyeja e vërtetë që ai u largua nga Bergamo është sepse ai nuk respektoi seriozisht pronarët e klubit”.

“Shpresoj që Gomez të vazhdojë të flitet për shfaqjet e tij, siç bëri në Atalanta”, përfundoi trajneri italian. /Telegrafi/