Një person është arrestuar pasi në gjendje të dehur ka shkuar në stacionin policor dhe ka deklaruar se posedon një armë në veturën e tij e cila ishte e parkuar.
Sipas raportit të policisë, rasti ka ndodhur të martën rreth orës 17:30, në Suharekë.
Siç thuhet në raport, njësiti policor ka konfiskuar armën e gjuetisë me tre fishekë të kalibrit 12 mm.
“Është arrestuar i dyshuari mashkull kosovar, pasi që i njëjti në gjendje të dehur ka shkuar në stacion policor dhe ka deklaruar se posedon një armë në veturën e tij e cila ishte e parkuar. Njësiti policor ka konfiskuar armën e gjuetisë me tre fishekë të cal .12 mm”, thuhet në raport.
Tutje në raport thuhet se më pas me urdhër te prokurorit është bërë bastisja e shtëpisë së të dyshuarit ku është gjetur dhe konfiskuar edhe një armë gjysmë automatike e kalibrit 7.65 mm një karikatorë dhe 12 fishekë të cal 12.
Ndërkaq, me vendim të prokurorit i dyshuari dërgohet në mbajtje. /Telegrafi/
